Ceviz ayın (sentäbri) 24- 25 günnerindä Kişinevda yandı Moldovanın “Sergey Lunkeviç” milli Filarmoniyası. Yangında Filarmoniyadan kaldı sadä duvarlar.
Nicä bildirdi “Sergey Lunkeviç” milli Filarmoniyasın direktoru Svetlana BİVOL, yangın başlamış Filarmoniyanın bir yan yapısından, neredä boruların diiştirilmesinnän ilgili svarka işleri yapılarmışlar.
Moldova kuvetleri bildirdilär, ani Moldovanın “Sergey Lunkeviç” milli Filarmoniyası eski erindä enidän düzülecek. Bunun için para toplamaa deyni banka esapları açıldı. Yardım için hazır oldukları için bildirdilär Moldovada bulunan diplomatiya misiyaları da.
Moldovanın “Sergey Lunkeviç” milli Filarmoniyası kuruldu 1940-cı yılda.
Foto: Anatolii Scorps
