Kırım ayın 13-dä Komrata muzıka şkolasının eni binasının açılışı oldu. Açılış şiridi kestilär Komradın primarı Nikolay DUDOGLU hem şkolanın üürencileri.
Açılışta pay aldılar muzaka şkolasının üüredicileri hem üürencileri, muzıkantlar, Gagauziyanın kultura hem iş adamnarı, jurnalistlär.
Komrata muzıka şkolasının direktoru İvan LÜLENOV şükür etti Komradın primarına Nikolay DUDOGLUya hem işadamına Andrey VALKOVa o iş için, ani pek kısa vakıtta (iki yılın içindä) becerdilär muzıka şkolasının binasını temeldän enidän yapmaa da şkola evropa standartlarına yugun oldu. Şindi şkola 400 m² erinä 600 m² oldu. Burada taa çok kabinet hem büük baş yapıldı.
Not. Şkolanın eni binasında artık bir kaç afta üürenmäk gider. Ama şkolayı enidän yapan işadamı Andrey VALKOV maasuz istedi, ani ofiţial açılış yapılsın Kırım ayın 13-dä – Ay Andrey günündä.
