Gagauziya hem türk dünnäsı lääzım bilsin neçin, açan GAGAUZLARI türk dünnäsına yada dünneyä göstermää lääzım, orayı MOLDOVAN melodiyalarınnan yollêêrlar MOLDOVAN artistını İgor PODGOREANUyu. Hem bunu Gagauziya Kulrura Upravleniyası (oku Gagauziya başkanı hem İspolkomu) hep saklıdan yapêr.
Maamilä surat bu adam “Düz Ava” ansamblisindä işleer. Şükürlär hem saalık ona! Ama HERERİ hem HERKERÄ onu yollêêrlar. Bizdä ne başka naycı mı yok? Var! Ama o naycıların cannarında GAGAUZLUK var da, onnar sţenaya çıktıynan, Parijlarda, Bakularda, Ankaralarda, Almaatılarda, Bişkeklerdä hem taa çok çok kasabalarda GAGAUZ havalarını çalaceklar. Bu sa Gagauziya öndercilerinä diil lääzım! Onnara ya rus ya moldovan kulturasını göstermää lääzım! Lääzım olmaydı bu işi yapmaeceydılar.
Şindi da Ankaradan geldi haber, ani Parija, “Nevruz bayramı” kutlamalarına GENÄ İgor PODGOREANu gider. İlin yol ona. Ama neçin sa bunu cümne insandan saklêêrlar.
Gagauzmediya.md saytına intervyuda Gagauziya Kulrura Upravleniyasının başı Vasiliy İVANÇUK bölä dedi: «В рамках фестиваля «Навруз» несколько человек выезжали в Англию, в этом году выезжаем во Францию. Коллектив в основном гастролирует по Турции, а во Францию выезжаю я и еще один музыкант» .“” Kimmiş o “еще один музыкант” acaba?
Bu iş dünneyä saklı diil. TÜRKSOYun pres-relizında yazılı ani Gagauziyayı Parijda
İgor PODGOREANU gösterecek. Gagauziyaya hem Moldova cümnesinä deyni Vasiliy İVANÇUK bunu saklı tutêr.
Neçin sanki?
Todur ZANET
