Harman ayın (avgust) 28-dä “Dionis TANASOGLU” adına Gagauzı Milli Teatrusunun eni premyerası var – komediya “Öldür beni, ayolum!” (Türkçe: “Hadi Öldürsene Canikom”). Bu pyesanın avtoru anılmış türk dramaturgu Aziz NESİN.
Nicä açıkladı “Ana Sözü” gazetanın redakţiyasına Gagauzı Milli Teatrunun direktoru Mihail KONSTANTİNOV, pyesayı sţenada koymaa deyni teatru buyur etmiş Azerbaycandan rejisöra Necat NAZİROVa.
Pyesada var sade üç personaj, ama spektaklidä edi aktör oynêêr.
Mihail KONSTANTİNOV urguladı, ani bu türlü spektakli Gagauzı Milli Teatrusu sţenaya seftä koyêr.
