Canavar ayın (oktäbri) 26-da Bukureştä 96 yaşında raametli oldu Romınyanın Dobruca tarafında bulunan Gürgenni küüyündän büük bilim adamı, istorik hem türkolog Mustafa Ali MEHMET.
Mıstafa bey bütün ömürünü baaşladı “Osmannı zamanı”ndooru bakıştan açıklamasına hem, nicä kendisi deyärdi, “Ömrüm Romenlere “Osmanlı istilâsı” kavramı yerine “Osmanlı hâkimiyeti” kavramını kabul ettirmek için çabalamakla geçti” (Ömrüm romınnara “Osmanlı baskısı” erinä “Osmanlı çorbacılıı” kavramını kablettirmäk için zaametlerdä geçti”).
Mustafa Ali MEHMETin raametli olmasınnan acızgannıklarını bildirdilär Türkiye Büük Millet Meclisi (TBMM) Başkanı Prof. Dr. Mustafa ŞENTOP hem Türkiyenin başka devlet adamnarı.
Mustafa Ali MEHMETin topracıı ilin olsun!
“Ana Sözü” redakțiyası
