bina_prezidentura_1

19.07.2024, tarafından yazılı , CÜMNE, POLİTİKA BÖLÜMÜ, 408 KERÄ BAKILMIŞ

Ortak kandidat erinä verdilär yolu kendilerinä

Moldovada Prezidentın seçimneri taa açıklandıı gibi, hemen türlü politikacılar, şamata yapıp, çaarmaa hem baarmaa başladılar, ani büünkü prezidentın kandidaturasın karşı opozițiya lääzım ortak bir baamsız kandidat çıkarsın. Kandidatta belliydi, ama, açan kendi canın patlacan diil…

Moldovada Prezidentın seçimnerindä opozițiyanın ortak kandidatı Aleksandr STOYANOGLU teklif edilärdi da, açan o ad halizdän açıklandı hem ortaya koyuldu, neyi biz gördük?

Dooru: onu teklif edän insancıklar hemen kendiciklerinin kandidaturalarını ortaya çıkardılar.

Bukadar çaarmaktan-barmaktan sora, heptän belli oldu, ani bu potreyi hem şamatayı kaldıran insancıklar sade kendi cannarı için düşünärmişlär, sade kendi adçazları için izmet edärmişlär, çünkü onnarın teklif ettikleri ortak kandidat erinä, onnar prezidentlää verdilär yol kendilerinä.

Ne toplantılar, ne gözäl laflar, ne şıralı sözlär – hepsicii bunnar sadecä piar sızırmasıymış! Bunun ardına taa kimneri hem neleri görecez.

BİR CUVAP YAZIN