Ceviz ayın (sentäbri) 9-11 günnerindä Azerbaycanın başkasabasında Bakuda olan Türk Dünääsı Ortak Alfaviti Komisiyasının toplantısında açıklandı, ani 34 bukvadan oluşan Ortak Türk Alfaviti kurulmasında annaşıldı.
Komisiya açıkladı, ani “Ortak Türk Alfavitin hazırlanmasında türk dillerin lingvistika özelliklerini titizliklän elä alındı hem bu alfavittä dillerin ayırı fonetika özellikleri koyuldu”.
Açıklayalım, ani 1991-ci yılda kurulan Ortak Türk Alfavitin ilk proektında gagauzların alfavitında olan hem gagauz dilin özelliini gözterän “Ä ä” bukvası alfavittä ayırı bir eri kapladıydı. Şindiki teklif edilän Ortak Türk Alfavitindä bu bukva azerbaycan dilindän alınan Әә (Ää) bukvasınnan yanında tırnak arasında komşuluk eder.
Kısaltmalar:
IPA: Halklararası Fonetika Alfavitı (HFA) (International Phonetic Alphabet).
ST: Sovetskaya Tyurkologiya Yayın Kuruluşu tarafından kabul edilän Latin bukvalarına dayalı Halklararası Fonetika Transkripțiyası (1974).
