Canavar ayın (oktäbri) 8-dän Moldova pravitelstvosu yolcu biletlerin paalarını kaldırmarmadıı için Moldovanın yolcu taşıyan mikroavtobusçuları Canavar ayın (oktäbri) 9-dan zabastovkaya girerlär.
Mikroavtobusçular bildirdilär, ani Canavar ayın (oktäbri) 9-da bütün Moldovada 600-zä yakın mikroavtobus marşrutlara çıkmayacek. Onnarın 250-si Kişinevun Büük Milli Meydanına çıkacek, 350-dän zeedesi da kasabaların hem küülerin merkezlerindä bulunaceklar.
Canavar ayın (oktäbri) 9-da yolcular boşuna beklämesinnär deyni, mikroavtobusçular açıkladılar angı reyslar o günü olmayacek.
