Kirez ayın (iyün) 20-dä Moldova Respublikasının Prezidentı İgor DODON kendi rezidenţiyasında kabletti T.C. Kişinev Büükelçisini Hulusi KILIÇı. Buluşmada karşılıklı işbirlii soruşları incelendi, bildirer prezidentın pres-slujbası.
Onnarın arasında vardı soruşlar, angıları bakılaceklar moldo-türk dostluu grupasının toplantısında. Bu toplantı olacek Orak ayın (iyül) 10-11 günnerindä. İncelendi Moldova Respeblikasının ekonomikasına türk investiţiyaları konusu da.
Karşılıklı buluşmada taa bir kerä urgulandı, ani Türkiye Respublikasının Prezidentı Recep Tayyip ERDOĞAN bu yılın sonunda Moldovaya hem Gagauziyaya ofiţial bir vizitlan gelecek.
