Orak ayın (iyül) 2-dä Moldova Prezidentı Maya SANDU, Moldovanın üülen tarafına bir vizit yapıp burada öndercilärlän, üüredicilärlän, doktorlarlan, perimarlarlan olan toplantılarda pay aldı. Olä bir buluşmak, Gagauziya primarlar Asoțiațiyasının buyur etmesinä görä, oldu Gagauziyanın Çadır kasabasında bu asoțiațiyaya giräjn primarlarlan.
Buluşmak kapalı kapular ardında geçti. Buluşmadan sora Maya SANDU açıkladı, ani “Gagauziya primarlar Asoțiațiyasına girän küülerin hergünkü lääzımnıklarını lafettik – erindeki kuvet organnarın dooru finans edilmesi, paalı proektlar (su hem kanalizațiya, boklıkları atmak, yolları düzmäk gibi) için kolaylık vermäk, eni iş erleri kurulmasını. Erindeki primarlar urguladılar, ani bu problemaları çözmää deyni onnarın mekez cümne administrațiyasının arkalamasına zorluk var”.
Bundan kaarä, Maya SANDU Çadır hem Taraklı kasabalarında başka insannrlan buluşmaktan sora urguladı, ani “Biz çok milli him erindeki soruşları inceledik da annaştık, ani, birliktä işleyeeyeräk, lääzım kuralım dooru, ortak hem birlikli bir cümne, neredä herkezi kendisini faydalı duyacek hem kendisini göstermää şansı olacek.
Not. Gagauziya primarlar Asoțiațiyasının Maya SANDUylan buluşmasına Gagauziya Başkanı İrina VLAH teklif edilmedi, ama o geldi hem dışarda çok vakıt bekledi, ama içeri girämedi.
Foto: www.presedinte.md
