Gagauziyada gagauz dilini genişlettirmää hem uşaklarımıza üüredicilik uurunda üüsek izmetlär vermäk için, 2015-ci yılda TİKA tarafından başlanan hem 2022-ci yılda başarılan “Türkiye Prezidentı Recep Tayyip ERDOĞAN üüredicilik kompleksı” ana binası, industriya kolecına çevirilip, 2025-ci yılda açılması için karar alındı.
2024-cü yılın Kırım (dekabri) ayın 30-da Moldova pravitelstvosu aldı karar, ani Komratta TİKA tarafından düzülän “Türkiye Prezidentı Recep Tayyip ERDOĞAN üüredicilik kompleksı”n ana binası, industriya kolecına çevirilipp, 2025-2026 üüretmäk yılında açılacek. Bu iş taa ileri olmadı, zerä Moldova hem Gagauziya kuvetleri arasında bu konuda annaşmak yoktu.
Bakmadaan ona, ani bu kompleksın ana binasını 2022-ci yıldan beeri hazırdı, o büünkü günädän hep boş tutuldu.
Tekrarlêêrız, ani bu kompleks taa çok gagauz dilini genişlettirmää deyni kuruldu. Ama şindi orada gagauz dilindä üüretmäk ortadan kaldırıldı. Moldova pravitelstvosu kararına görä, burada industriya kolecı kurulêr hem üüretmäk romınca, angliyca hem Türkiye türkçesindä olacek.
Not. “Türkiye Prezidentı Recep Tayyip ERDOĞAN üüredicilik kompleksı” 500-dän zeedä student için yapıldı. Onnara deyni burada var ana bina, hem olacek iki obşçejitiye, 452 siirediciyä deyni bir kapalı sport salonu, bir futbol, bir voleybol, iki basketbol, bir tenis meydanı olarak 5 açık sport ploşçadkaları, 270 kişilik konferențiya salonu hem 352 kişilik kantina.