Cumaa avşamı, Büük ayın 31-dä, Gagauziya Halk Topluşun maasuz toplantısı oldu. GHT Başı Dimitriy KONSATNTİNOV teklif etti günnük işinä iki soruş çıkarılsın: “Gagauziya halkın dış yolunu kendibaşına seçmä hakkın kalınmış statusu için” zakonnu Referendumun yapılması” hem “Tamojnä Birliinä girmää deyni” Gagauziyada konsultatif Referendumun yapılması”.
Bu sorşlarda Referendum yapmak deputatlar enidän karar aldılar, çünkü bu uurda 2013-cü yılın Kasımın 27-dän GHT kararları Komrat Administrativ sudun tarafından “zakona karşı olan” kararlar olarak kabledildi.
Şindi eni Kararlara görä Referendum zakoncasına olacek, zerä Büük ayın 31-dän Halk Topluşun “Gagauziya halkın dış yolunu kendibaşına seçmä hakkın kalınmış statusu için” zakonnu Referendumun yapılması” hem “Tamojnä Birliinä girmää deyni” Gagauziyada konsultatif Referendumun yapılması” için kararlar suda verilmedi.
Gagauziya Halk Topluşu izin verdi Merkez Seçim Komisiyasında bu iki soruş uurunda Gagauziyada Referendum yapmaa.
GHT açıkladı, ani Referndum bücetin dışından toplanan paralarlan yapılacek.
Kendi maasuz toplantısında GHT kabletti taa bir karar, neredä açıkladı kendi bakışını Komrat Administrativ sudun 2014-cü yılın Büük ayın 3-dän Gagauziya Halk Topluşun Kararlarına karşı alınan kararını.
