2026-cı yılın Baba Marta ayın 4-dä Gagauziyanın Regional resim Galereyasında açıldı resimciykaların “Duygular palitrası” adlı ilkyaz resim sergisi, angısı baaşlandı 8 Mart Halklararası Karılar Gününä hem angısını hazırladı Gagauziya kultura Upravleniyası.
“Duygular palitrası” ilkyaz resim sergisi oluştu Gagauziyadan, Pridnestrovyedan hem Kişinevdan 30 resimciykanın çeşitli tehnikalarda (akvarel, akril, yaalı boya, batik, düümä) hem janralarda (abstrakțiya, grafika, kukla, ikona, natürmord, patret, peyzaj) yapılı 100 resimindän.
Sergiyä katılan resimciykaların herkezinä (Anna BABÜK, Natalya BADAN, Praskovya BEJENAR, Galina BURYAN, Mariya DİMOGLU, Simona FEDORENKO, Tatyana GAYDEY, Elena GORÇA, Olesä İVANOVA, Vera JEKOVA, Natalya KOJOKAR, Svetlana KOJUHAR, Margarita KOPSAK, Olga KREȚU, Yuliya KRİSTOVA, Svetlana MELNIK, Anastasiya NOVOSELOVA, İnga OREHOVA, Nina PEEVA, Oksana PONOMARENKO, Alla PRİSAKAR, Yana PROKA, Anastasiya RAKOVÇENA, Olesä ŞİBAEVA, Natalya STRASEVİÇ, Lüdmila TANASOGLU, Tatyana TETRİOGLU (KASIM), Dilnara TURSUNOVA, Natalya VORNİKOVA, Kira YAYMAN) Gagauziya kultura Upravleniyası tarafından verildi maasuz diplomnar.
Serginin açılışında katılannar için çaldılar “Elegiya” kemençecilär ansamblisi hem oollan boba Arseniy hem İvan JELEZNIY.
Sergi açık olacek Baba Marta ayın 27-dän.
