Türkiye Respublikasının kurucusunun Ulu Önder Gazi Mustafa Kemal ATATÜRKün sonsuzlaa kauşmasının 87-ci yıldönümünä karşı, 2025-ci yılın Kasım ayın 9-da, restovrațiyadan sora, Grețiyanın Salonik kasabasında duuduu ev enidän açıldı.
Türkiye Respublikasının Kultura hem turizma ministerliin öncülüündä TİKA tarafından restovrațiya yapılmasından sora, Ulu Önder Gazi Mustafa Kemal ATATÜRKün dünneyä geldii evin kapuları insannara enidän deyni açıldı.
Pembä boyalı ATATÜRKün duuduu bu evin açılışını Türkiye Respublikasının Kultura hem Turizma Bakanı Mehmet Nuri ERSOY yaptı.
Bundan kaarä ATATÜRKün dünneyä geldii evin enidän açılış sırasında pay aldılar Grețiya turizm ministru yardımcısı Anna KARAMANLİ, Türkiyenin Afina Büükelçisi Çağatay ERCİYES, Salonik Başkonsulu Serkan GEDİK, AK parti Genel Başkan yardımcıları Zafer SIRAKAYA hem Kürşat ZORLU, MHP Genel Başkan yardımcısı İlyas TOPSAKAL, Türk İşbirlii hem Koordinațiya Agenstvosu (TİKA) Başkanı Abdullah EREN, İKA Başkan yardımcısı Dr. Mahmut ÇEVİK, Grețiyanın Batı Trakyalı türk deputatları Özgür FERHAT, Burhan BARAN hem Hüseyin ZEYBEK.
Muzeyä çevirilän hem diplomatiya merkezi olarak izmettä bulunan bu üç katlı evdä, başka eksponatlardan kaarä, insan önünä çıkarıldıı eksponatların arasında Türkiyedän getirilän ATATÜRKün kendi rubaları da var.
