2026-cı yılın Büük ayın 27-dä Kişinevda geçän Moldovanın U-23 yaşınadan kategoriyasında serbest güreştä Çempionatında Gagauziyadan güreşçilär kendilerini pek islää gösterdilär.
Moldovanın kıymetli trenerı Pötr VLAHın gözü altında olannar hem Rusiyada güreşçiliktä Rusiyanın kıymetli trenerı Stanislav RAMONOV ustalıında kendilerini keskinneştirän Gagauziyadan serbest güreşçilär Aleksandr GAYDARLI, Födor ÇAVDAR, Maksim ÇAVDAR hem Maksim DIMOV Moldovanın U-23 kategoriyasında serbest güreştä Çempionatında türlü medalilär kazandılar:
Aleksandr GAYDARLI (70 kg kategoriyasında) hem Födor ÇAVDAR (65 kg kategoriyasında), altın medalileri kazanıp, Moldova çempionnarı oldular;
Maksim DIMOV (17 yaşında) gümüş medaliyi kazandı;
Maksim ÇAVDAR (65 kg kategoriyasında) bronza medaliyi kazandı.
Moldova çempionnarı Aleksandr GAYDARLI hem Födor ÇAVDAR Baba Marta ayında serbest güreştä Evropa Çempionatında pay alaceklar.
Kutluca olsun!
