Harman ayın (avgust) 14-dä Gagauziya Radio hem Televideniye cümne kompaniyasının Gözledici Sovetin toplantısı oldu. Toplantıda Sonä SURNİNA, Komrat Devlet Universitetın zaametçisi hem Gözledici Sovetin azası bu Sovetin başı seçildi.
Sonä SURNİNA için Sovetin altı azası kendi oyunu verdilär. Sovetin eski başı Ekaterina TERZİ birkaç ay geeri bu iştän kendisi vazgeçti.
Hep o günü Gözledici Soveti aldı Karar, ani denemää GRTnın televideniyasının direktorunu Ceviz ayın (sentäbri) 22-dä ayırmaa.
Bundan kaarä Gözledici Soveti kendi toplantısında kurdu bir komisiya, angısı kontrol edecek nicä GRTda harcanêr paralar, ani cümne kompaniyasına bucettän veriler.
