Türk İşbirlii hem Koordinaţiya Agenstvosunun (TİKA) Başkan Yardımcısı Dr. Mahmut ÇEVİK, büük bir programayalan Poyraz Makedoniya devletin baş kasabasında Üsküptä bulundu hem TİKA tarafından buradakı şkolalara teknik yardımın verilmesini aslıya çıkardı hem “Duyu Algı Özel Odası” açtı. Ayırıca, TİKA tarafından yardımnan “Balkannar yazıcılık atolye buluşmaları” programasına da katıldı, bildirer AA agenstvosu.
Vizit sırasında TİKA Başkan Yardımcısı Dr. Mahmut ÇEVİK Üsküpün bir şkolasında “Duyu Algı Özel Odası”nın (“Sensorlu duyguları kabletmäk odası”) açılışını gerçekleştirdi. Bu odada
giperaktiv hem dezavantajlı uşakları ilaçlamada cuvap veräbilmelerinä katkı saalayacak özelliklär bulunêr.
Makedoniya Türk Ţivil Kuruluşları Birlii (MATÜSİTEB) işletmä Merkezindä, bu memlekettä türkçe üüredän başlangıç şkolaların administrațiyalarınnan bir araya gelän, TİKA Başkan Yardımcısı Dr. Mahmut ÇEVİK, şkolaların vizual hem informațional infrastrukturaların ilerlemesi proektın çerçevesindä olarak, teknik yardımını baaşladı. Burada yaptııı nasaatta ÇEVİK, Poyraz Makedoniyada yaşayan türk toplumunun, anadan hakkı olan, türkçä üürenmäk alması için zaamet gösterennerä şükür etti.
MATÜSİTEBlan yakın bir işbirlii gerçekleştireräk, türkçenin geliştirilmesinä hem yaygınnaşmasına katkı saaladıklarını urgulayan Mahmut ÇEVİK: “TİKA, 2005 yılda Üsküptä resmi çalışmalara başlaarkana, yaklaşık 19 yıldır bu memleketin kalkınmasına her sektorda, her alanda katkı verän yaklaşık 1200 proektı ömürä geçirdi. Bu 1200 proekt içersindä üüredicilik proektları önemni bir eri tutêr. 1200 proekt içersindä 31% üüredicilik alanında yapmış olduumuz yatırımnar var” dedi. Bu proektların arasında kursalar, izmet içi üüredicilik programaları, şkola öncesi, başlangıç hem zanaat üüredicilik alanında şkolaların potențiallarını geliştirilmesinä önelik çalışmalar gerçekleştirdiklerini annadan ÇEVİK, yaklaşık 60 şkolanın düzücülüünü hem tertiplemesini tamamnadıklarını söledi.
Dr. Mahmut ÇEVİK ayırıca, MATÜSİTEBin üürediciliinnän hem derneklerlän, 22 rayonda, yaklaşık 25 türkçä kursu gerçekleştireräk, 1500 üürenciyä üüredicilik verdiini aktardı. Ofițial programa içindä Dr. Mahmut ÇEVİK üüredicilärlän dialog yaptı.
Taa sora TİKA Başkan Yardımcısı Dr. Mahmut ÇEVİK, TİKA yardımnı, MATÜSİTEB koordinațiyasında, Balkan Yazarlar Birlii hem AYB (Avrasya Yazarlar Birlii) tarafından düzennenän “Balkannar yazıcılık atolye buluşmaları” programasına katıldı.
Basına açıklamalarda bulunan ÇEVİK, türkçenin gelişmesi, bu topraklarda duumuş hem etişmiş türk dilinä izmet edän poet hem yazıcıların izlerinin sürülmesi, onnarlan hep o uura gelmäk hem türkçeyi yaşatmak adına eni genç yazıcıların etiştirilmesi için başlattıkları proektın bu gün meyvalarını verdiini söledi. Dr. Mahmut ÇEVİK: “Bu genç yazıcılarımızın pay aldıı programada ortaya koymuş oldukları yaratmalar bir kiyat yolunnan bütün insannarımızın izmetinä, okumasına verildi. Umut ederiz ki, bu çalışma ilerleyecek” dedi.
AYB (Avrasya Yazarlar Birlii) Başkanı Yakup ÖMEROĞLU da, programanın ilk kerä 2019-da düzennediklerini andırarak, talantlı gençleri literaturada ilerletmä hem onnarın vergilerini önä çıkarmayı uurladımklarını belertti.
Balkan Yazarlar Birlii Başkanı Mürteza SULOOCA sa, 2019 yılından bu yana 4 yıl içersindä atolyenin büük başarı gösterdiini dilä getireräk, “20-nin üzerindä arkadaşımız bu atolyeyi başarıylan tamamnadı. 30-un üzerindä kendi yaratmalarını yayınnadılar… Önümüzdeki günnerdä Poyra Makedoniya hem Kosovada ayırı kasabalarda, lițeylerdä hem derneklerdä atolye tanıtım programaları gerçekleştirecez” dedi.
Kaynak: AA / Politika
