Bu yıl gagauzlarda Todur gününün kutlaması razgeldi Baba Marta ayın sekizinä, açan dünnääda bakılêr Bütündünnää karıların 8 Mart günü.
Halizdän ileri gagauzlar Todur günün erinä Beygirlerin gününü bakardılar, çünkü onnar taa çok çiftçi oldukları için, beygirlerä hem başka koşul hayvannara büük saygı güdärdilär hem onnar için maasuz bir yortulu gün kurmuştular – Beygirlerin günü.
İleri bu gün bakılardı Hederlezä karşı hem onun günü gezmärdi. Ama şindi klisä baaladı Beygirlerin gününü Todur gününä (hristiannıkta Ay Todur sayılêr beygirlerin koruycusu). Onuştan, ozamandan beeri, Beygirlerin günü gezeer, da düşer Büük orucun ilk cumêrtesinä. Bu yıl da o gün Bütündünnää karıların 8 Mart gününä denk geldi.
Onuştan, Todurlardan kaarä, büün kutlêêrız hepsi paalı anaları hem malileri, sevgili karıları, yalpak gelinneri hem kızkardaşları, cici kızları hem kızçaazları da hepsinä dileeriz saalık hem uzun ömür, sevdaylan sevgi, kesmet, selemet, tatlı dil hem yalpak laf, hem da kucak dolusu çiçek.
Todur günü hem Bütündünnää karıların 8 Mart günü kutluca olsun!
“Ana Sözü” redakţiyası
