Moldovanın gagauz olan Baş prokuroru hem Moldova Prezidentliinä kandidatlaa hazırlanan Aleksandr STOYANOGLU açıkladı, ani cumertesi Orak ayın (iyül) 28-dä, onun Moldovada Canavar ayın (oktäbri) 20-dä yapılacek referenduma kritikasınnan videorolii, yayınandıktan sora bir saadın içindä TikTok tarafından blokada altına düştü, bildirer noi.md.
Bu țivilizațiyalı dünnääsında ezmäk iş için Aleksandr STOYANOGLU bölä açıklama yaptı: “Bezbelli, kim sä beenmedi benim tarafımdan referenduma yapılan hem verilän kantarlamamı, ani o gelecek olay sade bir cambazlıktır. Bölädir “islää vakıtların” țenzura üzü: devlet kuvetleri tarafından anonim hem az bilinän saytlar önä sürülerlär, ama transparetlı platformaları arkaya sürerlär ya da onnara blokada yapêrlar”.
Taa ileri Aleksandr STOYANOGLU açıkladıydı, ani “yaklaşan konstituțiyalı referendumun Moldovanın Evropaya girmesinnän hiç bir ilgisi yok – bu Maya SANDUnun referendumu”.
Aleksandr STOYANOGLU sayêr, ani büünkü durumda “referendum – bu vatandaşların politika prințiplarına görä zorlan diskriminațiya tertipidir hem da cümnenin taa islää hem taa düşük kastalara bölmenin bir yoludur”.
