Taa belli olduynan, ani Türkiye Respublikasının Prezidentı hem Pravitelstvosu, TİKA yolunnan, Gagauziyaya yardımnarı zeedeltmää karar almış (o yardımnarın içindä var radioylan televideniya da) saadan-soldan başladık işitmää, ani bu yardımnar şindi “bişeycik hem kimsey olmayan kişilerin” ortaklıınan olmuş.
Onuştan bu yazıları yazmaa zorunda kaldım. Çünkü o “bişeycik hem kşmsey kişilär” başladılar yavaştan saada-solda üünmää bu “yaptıklarınnan”. O üünmelerdän “üürendik”, ani kocamiti Türkiyenin lideri hem prezidentı, sadä onnarı sesleyip, bu yardımnara karar almış.
Masallara bak! Bu masallar da diil, yalan!
Aslısı bu: Gagauziya Başkanı İrina VLAH, Türkiyedä bulunarak, problemalarımızı açıkladı da Türkiyenin Prezidentından Recep Tayyip ERDOĞANdan, Türkiye Başbakanından Binali YILDIRIMdan hem Türkiye dışişleri Bakanınından Mevlüt ÇAVUŞOĞLUdan Gagauziya için yardım istedi. Türkiyenin Büükleri da bu yardımnarı yapmaa uygun gördülär.
Kalan bişeycik hem kimset olmayan kişiciklerin annatmaları yalan. Ko Türkiyemin yardımına kimsey olmayannar yannaşmasınnnar!
Akademik Todur ZANET, Gagauz Milli Gimnanın avtoru.
