TÜRKSOY artık 20 yıl türk dünnäsının kulturasını, adetlerini, incäzanaatını korumaa hem onnarı bütün dünneyä tanıtmaa deyni çalışêr. Bu uurda TÜRKSOY türlü-türlü programalar hem kutlamaklar hazırlêêr. Onnarın arasında var türk dünnäsının hem türkçä lafedän insannarın yazıcılar hem poetlar, resimcilär hem skulptorlar, patretçiklär hem el zanaatçıları buluşmaları, opera hem teatru festivalleri, ansamblilerin hem artistlerin konţertleri, bilim hem literatura simpoziumnarı.
TÜRKSOYun hepsi bu işlerini, nicä da başka olayları, dünneyä annadêrlar jurnalistlär. Onuştan, onnarın çalışmalarını tanıyarak, TÜRKSOY karar aldı “TÜRKSOY Basın Ödülleri” vermää. Bu yıl bu Ödül beşincilää verildi.
2014-cü yılın “TÜRKSOY Basın Ödülleri”ni vermäk toplantısı Türk dünnäsı gazetacılar Forumu çerçevesindä Baba Marta ayın 20-dä, Türk dünnäsının baş kasabasında Eskişehirdä, Anadolu Universitetında, oldu. Ödül vermäk toplantısında hem ödül vermesindä pay aldılar Türkiye Milli Üüredecilik Bakanı Nabi AVCI, Eskişehir Valisi Güngör Azim TUNA, Anadolu Universitetın rektoru Davut AYDIN hem TÜRKSOY Baş Sekreteri Düsen KASEİNOV.
2014-cü yılın “TÜRKSOY Basın Ödülleri”ni almaa hak kazanannar:
1. Yunus OGHUZ (Azerbaycan, “Olaylar” gazetasının baş redaktoru hem editoru);
2. Aazar JABBAROV (Azerbaycan, AZ TV Medeniyet Kanalı);
3. Shamsidin PATTEYEV (Kazahstan, “Türkistan” gazetasının baş redaktoru);
4. Natalya ZADERETSKAYA (Kazahstan, baamsız lurnalist);
5. Tügölbay KAZAKOV (Kirgizstan, Kirgiz devlet televideniyasının editoru);
6. Zimfira GİLMUTDİNOVA (RF, Tatarstan, “Sahne” jurnalın editoru);
7. Gaziz YUSUPOV (Başkiriya, Prezidentın basın (pres-slujbasının) zaametçisi);
8. Olga KARACHAKOVA (RF, Hakasiya, Hakas devlet radyo hem televideniyasının rejisöru);
9. Oiumaa DONGAK (RF, Tıva, “Bütün” Tıva haber agenstvosunun baş redaktoru);
10. Todur ZANET (MR, Gagauz Yeri, “Ana Sözü” gazetasının baş redaktoru);
11, Osman GÜVENİR (KKTC, “Vatan” gazetası);
12. Neriman CAHİT (KKTC, “Yeni Düzen” gazetası);
13. Ahmet YEŞİLTEPE (Türkiye, NTV haber Müdürü, “Türklerin İzindä” programa yapımcısı);
14. Saffet YILMAZ (Türkiye, “B.B. Bursada Zaman” jurnalın baş redaktoru);
15. Şenay ÜNAL (Türkiye, “Anadolu Ajansı” kultura hem incäzanaat korespondentı);
16. Ali DOĞAN (Türkiye, “TRT AVAZ” kanalın haber editoru);
17. İvan GAVRİLEV (RF, Saha-Yakutiya, “Kıım” gazetasının Baş editoru);
18. Yuruslan BOLATOV (RF, Kabardin Balkar, şair hem editor);
19. Babahan Muhammet ŞERİF (Uzbekistan, yazıcı, aarştırmacı hem çevirici);
20. Bigeldi GABDULLİN (Kazahstan, Kazahstan “Pen Klup” Başkanı).
