Gagauziyanın jurnalistı hem blogerı Georgiy YALANCI bu yıl “TÜRKSOY Basın Ödülü”nü kabletti.
Çiçek ayın (aprel) 28-dä Azerbaycanın Şeki kasabasında “Şeki – 2016 yılı Türk dünnäsı kultura başkasabası” açılış yortunun sırası oldu. Açılışta pay aldılar Azerbaycan kultura hem turizma ministrusu Abulfas GARAEV, TÜRKSOY genel sekretari Düsen KASEİNOV, TÜRKSOY aza devletlerin temsilcileri.
Bu büük yortu sırasında Türk dünnäsının seçilmiş jurnalistlerinä “TÜRKSOY Basın Ödülü” verildi. O jurnalistların arasında bulundu Gagauziyada jurnalist hem bloger Georgiy YALANCI, angısına ödülü kendisi Düsen KASEİNOV verdi.
“Şeki – 2016 yılı Türk dünnäsı kultura başkasabası” açılışında büük bir konţert verildi. O konţertta Gagauziyadan iki doet katıldı “TOZİ” hem “YASTİ”.
