“Novruz bayramı” evelki türk yortusu, ani bakılêr Baba Marta ayın 20-21 günnerindä hem sayılêr ilkyazın hem tabiatın enilenmesinin yortusu. Bu yortu Azerbaycan kardaşlarımızın milli yortusu sayılêr. Ama TÜRKSOYun çalışmasınnan “Novruz” artık bütün türk dünnäsının yortusu oldu.
Bu yıl TÜRKSOYun çalışmasınnan “Novruz bayramı” 2013-2014 yılında Türk dünnäsının baş-kasabası olan Türkiyenin Eskişehir kasabasında bakılêr. Bu yortuda dünnäyın herbir köşesindän ansamblilär hem artistlär pay alêrlar. Gagauziyadan da Eskişehirä 30 kişilik bir delegaţiya geldi: ansamblilär “Düz Ava” hem “Ellegiya”, artistlär Vitaliy VASİLİOGLU hem Pötr PETKOVİÇ, kultura zaametçisi Dimitriy KAMBUR hem başkaları.
Not. 2009-cu yılda “Novruz” ÜNESKO tarafından insannıın kultura varlıın listesinä alındı. “Novruz” günündä ateş yakılêr, türlü tatlılıklar (şekerbera, badambura, pahlava, gogal) hazırlanêr, kurulêr “hança” (tabla üstündä erleştirilmiş tatlılar), büüdüler “sêmêni” (booday tenelerindän), boyanêr yımırta hem t.b.
