Moldova pravirelstvosunun açıklamasına görä, Ukraynada Rusiyaylan gidän cengtän Moldovaya bu günädän yaklaşık 270 bin insan kaçtı, onnarın taa çoyu Evropaya dooru yollarını ilerlettilär. Açıklanêr, ani sınırdan kaçakları avtobuslarlan hem mikroavtobuslarlan taşıyêrlar. Ölä Baba Marta ayın 8-10 günnerindä yapıldı 137 reys.
Bildiriler, ani Moldovadan Evropaya gidennär için kara yollarda, demir yolu üzerendän hem havadan yollanmaa kolaylık kurulêr.
Bakmadaan ona, ani Ukraynada Rusiyaylan gidän cengin beterinä Moldovada üstolan durumu kuruldu hem Moldovanın gökü uçmak için kapandı, Moldova pravitelstvosu komerțiya reysalarına deyni, eraplannara gökü açtı. Yapıldı birkaç reys: Frankfurta (1), Stambula (2), Tel-Avia (3). 1784 kaçaa deyni Baba Marta ayın 11-13 günnerindä taa dört çarter reysı yapılacek Germaniyaya, İspaniyaya, Polşaya hem Türkiyeyä
Şindi Moldovada 132 bin ukraynalı kaçak insannarı bulunêr, onnarın arasında var Ukrayna hem başka devletlerin vatandaşları, angıları erleşik maasuz kurulan 93 avtorizațiyalı çalışan erlerdä hem, kimileri, vatandaşların aylelerindä.
Kaçakların arasında 3114 yabancı Moldovada politika sıınmasını istedilär, onnarın arasından 2279 ukyınalı vatandaşlar.
