Canavar ayın (oktäbri) 2-dä Komradın kultura Evindä geçti bir yortulu sıra, neredä Gagauziyanın üüredicilerini kutladılar Canavar ayın 5-dä bakılan Halklararası Üüredici Gününnän hem andılar onnarı, kim ömürünü üüredicilää baaşladı.
Kutlama sırasında pay aldılar bütün Gagauziyadan üüdericilär, şkola hem uşak başçaları zaametçileri. Bu insannara tatlı sözlärlän danıştılar Gagauziya Halk Topluşun Başı Dimitriy KONSTANTİNOVA, Gagauziya İspolkomu Predsedatelin birinci yardımcısı İlya UZUN, Gagauziya üüredicilik Upravleniyanın başı Natalya KRİSTEVA hem devlet insannarı.
Halklararası Üüredici Günün bakmasında üüredicilerin uuruna çok gözäl laflar sölendi, zaametleri tanındaı hem onnar için şükür edldi.
En islää üüredicilerä bu gündä türlü ödüllär verildi: Moldova Respublikasının üüredicilik hem aaraştırma ministerliin gramotaları, Gagauziyanın “Mihail Çakir” ordennarı, “Zaamet şanı” medalileri, “Gagauziyanın şannı vatandaşı” adları, “Gagauziyanın kıyetli pedagogu” adları, Başkanın hem Halk Topluşun gramotaları hem Gagauziya üüredicilik Upravleniyanın gramotaları.
Bundan kaarä, kutlamak sırasında “Pedagogika aylesi” proektına katılannarı ödülledilär hem “Genç üüredici – 2025” gençleri kutladılar.
Bu gözäl sırada hepsini zalda bulunannarı şennetilär uşak oyun hem muzıka ansamblileri.
