Canavar ayın (oktäbri) 15-dä, Moldova parlamentının deputatından Vlad FİLATtan deputatlık dıkunmamazlıını aldılar da bundan sora onu 72 saada kapadılar.
Canavar ayın (oktäbri) 15-dä taa gecedän Moldova parlamentın binası doz-dolay sarılıydı protest edän inannan hem speţnalzan. Hepsi protestantlar baarardılar, ani Moldova prezidentı hem parlamen işindän atılsın da devlettä eni seçimnär olsunnar. Son-sonunda hepsi başladılar baarmaa, ani deputat Vlad FİLATtın imunitetı kaldırılsın.
Parlamenta geldi Moldovanın baş prokuroru Korneliu GURİN da, açıklayıp Vlad FİLATa karşı dokumentleri, istedi, ani parlament onun deputatlık dokunmamazlıını kaldırsın.
Bu dokladtan sora, Moldovanını eski Premyer-ministrusu hem Moldova Liberal Demoktrat Partiyasının başı Vlad FİLAT yaşamasının en ayıp günnerindän birisini yaşadı. Moldova parlamentın deputatları 79 oylan Canabisindän deputatlık dıkunmamazlıını aldılar.
Bu iştän sora da Vlad FİLATı antikorupţiya merkezinä getirdilär da 72 saada kapadılar.
Foto – adevarul.md
