Yaarına XXXIII-cü Yaz Olimpiada oyunnarın ofițial açılışı yapılêr. O oyunnar geçeceklär Orak ayın (iyül) 26-dan Harman ayın (avgust) 11-dän.
Franțiyanın baş kasabasında Parijda geçän XXXIII-cü Yaz Olimpiada oyunnarı yapılaceklar ölä yarışmalarda, nicä: aar atletika, ilin atletika, at sportu, ateş atmak, dzüdo, güreş, kanoeda küreklemäk, masa tenisı, üzmäk hem yaydan ok atışı.
Moldovadan bu Olimpiadada pay alcek 25 sportsmen, angıları 10 türlü sport çeşitlerindä kendi beceriklerini göstereceklär.
Moldova Respublikasının üüredicilik ministerliin devlet sekretari Sergey GURİN açıkladı, ani “XXXIII-cü Yaz Olimpiada oyunnarında medali kazanan moldovalı sportsmennarına para ödülleri verilecek: altın medali için – 3 milion ley, gümüş medali için – 2,6 milion ley, bronza medali için – 2 milion ley”.
