horvatiya (1)_1

27.11.2023, tarafından yazılı , CÜMNE BÖLÜMÜ, 252 KERÄ BAKILMIŞ

Zagrebta 15-ci Bosniya-Gerțog kultura günneri geçer

Horvatiyanın baş kasabasında Zagrebta 15-ci Bosniya-Gerțog kultura günneri (23-28 Kasım) geçer, angıları adandı Bosniya-Gerțog devletin kurulmasının (ZAVNOBİH) 80-ci yılına hem Zagreb boşnak aınnıklaı Konseyinin kuruluşunun 20-ci yıldönümünä.

Türk İşbirlii hem Koordinaţiya Agenstvosu (TİKA) yardımınnan Zagreb boşnak azınnıkları Konseyi (ZAVNOBİH) tarafından hazırlanan bu sıranın açılışına Türkiye Zagreb Büükelçisi Yavuz Selim KIRAN, TİKA Başkan yardımcısı Dr. Mahmut ÇEVİK, Bosniya-Gerțog  Zagreb Büükelçisi Elma Kovacevic BAJTAL, Zagreb boşnak azınnıklaı Konseyin (ZAVNOBİH) Başkanı Armin HODZİC hem sıradan insannar katıldılar.

Günnerin açılışında söz tutan TİKA Başkan yardımcısı Dr. Mahmut ÇEVİK dedi: “TİKA hem Türkiye, bir yandan krizislı bölgelerä hızlı hem gumanitar yardım yaparkan, öbür yandan uyguladıı proektlarlan global barışa hem uslulaa katkı saalêêr”. Canabisi urguladı, ani TİKA tarafından Horvatiyada 116 proekt ömürä geçirildi hem kayıl oldu onunnan, ki boşnaklar, sayıp olduu paalılklarlan, dünneydä barışa katkıda bulundular.

Bosniya-Gerțog “Devlet günü” sayılêr 1943-cü yılın Kasımın 25-şi, açan Milli kuruluş antifaşist Konseyin (ZAVNOBİH) ilk oturuşu oldu.

Etkinnklär zamanında TİKA Başkan yardımcısı Dr. Mahmut ÇEVİK hem Türkiye Zagreb Büükelçisi Yavuz Selim KIRAN Zagrebta TİKA tarafından yapılan soțial proektların açılışlarını da yaptılar. Onnarın arasında 148 yıllık “Petar Zrinski” pedagogika şkolasını “Hepsi uurda klasların potențial gücünü geliştirmä proektın” açılış sırası hem 750 kişilik “Azis YUSUF” adına yaşlılar evin potențialını geliştirmä proektın başarılması sırası vardılar.
horvatiya (2)_1horvat_proekt (1)_1
horvat_proekt (3)_1
horvatiya (3)_1

BİR CUVAP YAZIN