Moldova Premyer-ministrusu İon KİKU bildirdi, ani memlekettä koronavirus uurunda aar durumunu el altına alamadıkları beterinä Moldovada Cümne saalıında Üstolan Durumu Orak ayın (iyül) 31-dän uzadıldı.
Baseniyaları, sport salonnarınındakı duşlardan hem diişmäk odalarının açılmasından kaarä, kalan zapalar kalêr:
– parklarda, daalarda hem pläjlarda 3 kişidän zeedä bölüklerdä olmaz bulunmaa;
– 63 yaştan yukarı insannar zorları olmadaan sokaa olmaz çıksınnar;
– oyun hem sport meydannarında olmaz bulunmaa;
– dinnenmäk lagerlerin, üüredicilik kuruluşların, reabilitațiya hem sanatorno-kurort merkezlerin işi durgudulêr;
– plana görä gospitalizațiyalar hem konsultațiyalar durgudulêr;
– gecä klubların çalışması hem yortulu sıraların (düünnär, kumatriyalar, pomana sofraları) yapılması zapa altına alınêr.
