kizil_ay

17.05.2018, tarafından yazılı , CÜMNE BÖLÜMÜ, 98 KERÄ BAKILMIŞ

Gagauziyaya “Kızıl ay” yardımı geldi

2018-ci yılın Hederlez ayın 16-da TİKA kurulusun yardımınnan Gagauziyaya geldi Türkiyenin “Kızıl ay” kuruluşu, angısı, musulmannarın Ramazan yortusunun başlamasınnan ilgili olarak, getirdi Gagauziyanın yoksul aylelerinä iyecek malları kutular baaşışlarını.
kizil_ay (2)

Nicä açıkladı Türkiyenin “Kızıl ay” kuruluşun Önetim Kurulu azası Cengiz YURDABEKÇİ, bakmadaan ona, ani “Kızıl ay” artık 150 yıl dünnedä var hem kendi yardımnarını 37 devlettä yapêr, bölä bir yardım Moldovaya seftä geldi. Herbir kutuda yaklaşık 20 kg iyecek var.
kizil_ay (3)

“Kızıl ay” yardımcı olan TİKA Kişinev ofisin koordinatoru Selda ÖZDENOĞLU açıkladı, ani bu türlü baaşışlar Moldovanın hem Gagauziyanın 1200 yoksul aylesinä daadılacek.
kizil_ay (1)

Türkiyenin “Kızıl ay” kuruluşu, nicä da Moldova “Kırmızı kruça” kuruluşu girerlär Halklararası “Kırmızı kruça” hem “Kızıl ay” akıntısına. Onuştan Moldovada “Kızıl ay” kuruluşun bu akţiyasına katıldı Moldova “Kırmızı kruça” kuruluşun Halklarası ilişkilär Upravleniyasının başı Sergey VEDERNİK.

Kalmadilar bir tarafta gagauziyanın büükleri da. Bu akţiyada pay aldı Gagauziya Başkanın hem İspolkom predsedatelin 1-ci yardımcısı Vadim ÇEBAN.

BİR CUVAP YAZIN