gagauziya

27.02.2016, tarafından yazılı , CÜMNE, POLİTİKA BÖLÜMÜ, 2049 KERÄ BAKILMIŞ

YILDIRIM HABER!!! Gagauziya erinä Bulgar-Gagauz yada Gagauz-Bulgar avtonomiyası mı geler?

Salıya, Baba Marta ayın 1-dä Gagauziya Halk Topluşu inceleyecek soruşu “Svetlıy küüyünä Kortenul Nou küüyünü eklemää”. Maamilä surat – insannar istärmiş.

Bu ilk denemä. Herliim bu yapılırsa arkadan, sincir gibi, Gagauziyaya başka bulgar küüleri da eklenecek. Korten, Tvardiţa, Taraklı, Kantemir, Kaul hem Basarbka rayonnarın bulgar küüleri bu işä çoktan sırada durêrlar.

Bu aslıya çıkırsa, Gagauziyanın daalması “birleşmektän” başlayacek: Gagauziya erinä Bulgar-Gagauz yada Gagauz-Bulgar avtonomiyası gelecek.

Esaba alarak onu, ani bitki vakıtlarda Gagauziya öndercileri bulgar küülerinin hem kasabaların işini yapêrlar, belli, ani Bulgar-Gagauz yada Gagauz-Bulgar avtonomiyası fantastikadan aslıya dönecek. Bununnan da “Gagauziya (Gagauz Yeri) ozel hakk statusu” proektı bitecek.

Salıya, Baba Marta ayın 1-dä Gagauziya binasına ilk denemä topu atılacek.

Todur ZANET, akademik, Gagauz Milli Gimnasının avtoru

BİR CUVAP YAZIN