Paskelleyä karşı Rusiyadan Moldovaya etişti “Sputnik-V” vakținasının taa 71 taanesi. Şindi bu çoktan beklenän vakținanın sayısı burada 142 bin etişti da onnarı, kardaş payı olarak, Moldova içindä paylaştırêrlar.
Bu vakținanın 1880-zü Gagauziyaya verildi, 40 000 Pridnestrovyaya yollandı, 100 000 da Moldova içindä paylaşıldı. Pazertesindän, Hederlez ayın 3-dän, beeri da vakținațiya başladı.
Esaba alarak, ani Gagauziyeya bu günädän may bir vakțina da düşmedi, saymayarak o AstraZeneca vakținalarını (oku: Vaxzervia), ani Gagauziya geeri çevirdi hem angılarının kullanmasını Bütündünnää saalıı koruma Kuruluşu (World Health Organization, WHO) bir çala durguttuydu, Gagauziyeya 1880 vakțina biraz az gibi geler.
Kardaş payı olarak Gagauziyaya 6191 vakțina lääzım düşsün, zerä burada (Gagauziyada) yaşêêr Moldovanın 4,36 % insanı. Bizä ölä geler.
