Paalı dostlarımız, Göktä Bobanın yardımınnan, taa bir yılı kazandık. Nicä o olacak, salt bizdän biter. Zerä biz varkana, biz dooru yaparkana, biz yalandan atılarkana, biz insankana – eni 2025-ci yıl da var olacek, dooru olacek, yalansız olacek, insannıklan olacek. Hepsimizdä saalık, raatlık, kısmet, mutluluk, bereket hem selemet olsun, da, inanêrtız, ani onnarın ardına uzun ömür dä olacek.
Allaa versin hepsinä kuvetlerdä bulunannara akıl da cenklär bitsinnär, eşinennär uslansınnar, insan kıyannar gebersinnär.
İnsannar da biri-birlerini korusunnar, biri-birlerinä saygı gütsünnär, biri-birlerindän sade hayır görsünnär.
Maavi göklerdän güneş hepsinä birtakım şılasın, hepsini bir takım aydınnatsın!
Saalık Allaa versin!
Saygılarımızlan, “Ana Sözü” redakțiyası
