Çocuk şöleni (5)

17.06.2024, tarafından yazılı , ANSAMBLİLÄR, CÜMNE, KULTURA, KULTURA ÖMÜRÜ BÖLÜMÜ, 154 KERÄ BAKILMIŞ

24-cü “Türk dünyası Çocuk şöleni”ndä Gagauziya

Kirez ayın (iyün) 3-7 günnerindä İstanbulda geçti 24-cü “Türk dünyası Çocuk şöleni” sırası, neredä 23 (Azerbaycan, Kazahstan, Kırgıstan, Türkmenistan, Tatarstan (RF), Bulgariya h.t.b.) devlettän 26 ansambliylän barabar, pay aldı Gagauziya Kongaz küüyün “Altın “Çöşmä” ansamblisinin orta boy oyuncuları, ansamblinin kurucusu hem “Düz Ava” ansamblinin horeografı hem baletmeysterı Viktor GRADİNAR, Gagauziya kultura Upravleniyasının başı Marina SEMENOVA hem vokalist Vladimir MOMÇA.

24-cü “Türk dünyası Çocuk şöleni” sırası başladı İstanbulun Kadıköy meydanında kolektivların paradınnan. Nedän sora, iki erdä – “Bahçelievler Şehit Mustafa” Merkezindä hem Fatih kultura hem incäzanaat Merkezindä – ana konțertlär oldu, neredä ansamblilär birkaç nomerlarını gösterdilär. Gagauziyadan “Altın “Çöşmä” ansamblimiz oynadı gagauz halk oyununu. Çeşmä küüyündän vokalistımız Vladimir MOMÇA da çaldı bir türkü.

24-cü “Türk dünyası Çocuk şöleni” sırasında kolektivların öndercileri hem temsilcileri İstanbul valiliindä vali Davut GÜL tarafından kabul edildilär hem “Türk Dünyası Araştırmaları Vakfı” fondun baş başkanınnan Közhan YAZGANnan buluştular.

“Türk dünyası Çocuk şöleni” sırasının baş uuru – türk memleketlerindän uşaklar arasında dostluk ilişkilerini kurmak hem türlü devletlerdä yaşayan vatandaşlarlan birleşmäk.
Çocuk şöleni (1) Çocuk şöleni (2) Çocuk şöleni (3) Çocuk şöleni (7) Çocuk şöleni (8) Çocuk şöleni (10)

BİR CUVAP YAZIN