baskannik_binasi

18.06.2024, tarafından yazılı , CÜMNE, POLİTİKA BÖLÜMÜ, 222 KERÄ BAKILMIŞ

Gagauziyanın oyulmasınnan ilgili GHT Prezidumun Moldova Prezidentına Danışma Açıklaması

GHT Başı Dimitriy KONSTANTİNOV 2024-cü yılın Kirez ayın 13-dä, Gagauziya Halk Topluşun Prezidumun Gagauziyanın oyulmasınnan hem yok edilmesinnän ilgili Danışma Açıklamasını Moldova Prezidentına Maya SANDUya yolladı.

Gagauziya Halk Topluşun Başı Dimitriy KONSTANTİNOV açıkladı, ani “Moldova, Konstituțiyayı hem “Gagauziya (Gagauz Yeri) özel hak statusu için” Zakonunu ezip, bir umursuz yok yeder Gagauziya avtonomiyasını. Çünkü yok etti Komrat Apeläțiya palatasını, katıp onu Kaul munițipiyindä bulunan Üülen Apeläțiya palatasına hem da yok etti Komrat sudunun Çadır hem Valkaneş ofislerini. Bununnan, Gagauziyayı oyup, Valkaneş rayonun hepsi küülerini Gagauziya (Gagauz Yeri) Avtonom-teritorial Gagauziya (Gagauz Yeri) Avtonom-teritorial Bölgesindän zorlan koparıp, Kaul bölgesinin sud yurisdikțiyasına sokup”.

GHT Prezidumun Moldova Prezidentına Danışma Açıklamasında urgulanêr, ani “2024-cü yılın Kirez ayın 13-dä günü Moldova Parlamentı tarafından kabledilän №135 Zakonu… fakt olarak antihalk huyunu taşıyêr hem antikonstituțya gündelik işindä Gagauziya avtonomiyanın ortadan kaldırılmasına ön verer hem da, milletin haklı yustițiyaya etişmäk hakkını yok ederäk, gagauz halkının haklarını çiineer”.

Gagauziya Halk Topluşun Prezidumun Moldova Prezidentına Maya SANDUya Danışma Açıklaması:
GHT_Sanduya_Danışma

BİR CUVAP YAZIN