1985-ci yılda dünneyi gördü gagauz dilindä roman “Uzun kervan”. Yazdı onu anılmış gagauz yazıcısı hem kultura adamı Dionis TANASOGLU (1922-2006).
Büük yazıcı, dayanarak oguzların ortak istoriyasına, becerdi açıklamaa gagauzların istoriyasını, başlayıp taa Oguz Han, Attila, Kül Tigin zamnnarından XX-ci asirinädän.
Bu paasız gagauz literatura zenginniini kutlamaa deyni Komrat regional bibliotekada yapıldı bir sergi – “UZUN KERVAN. Kiyadın 30-cu yıldönümü”. Burada sergilendi gazetalar hem jurnallar, neredä tiparlandı bu romandan parçalar, Dionis TANASOGLUnun başka kiyatları hem, belliki, aydınadıcının biografiyasınnan ilgili materiallar.
Not. Sergi hazırlandı kultura hem turizma Upravleniyasının planına görä hem ona cuvapçı oldu bu Upravleniyanın baş zaametçisi Evgeniya Georgievna LÜLENOVA.
