Canavar ayın (oktäbri) 25-dä, Gagauziya İspolkomun kararına görä, raametli bilim doktorunu Mariya MARUNEVİÇi (25. 10. 1937 – 15. 02. 2004) anmak sıraları geçti. Bu sıralar ilgiliydilär raametlinin duumasından 80-ci yıldönümünnän.
Anmak sıraların arasında iki temel sıra vardı: “Şan aleyasında” Mariya MARUNEVİÇin byustuna çiçek koymak hem miting, hem da KDUda onun yaşaması için bilim-praktika konferenţiyası.
“Şan aleyasında” sırada pay aldılar Gagauziyanın öndercileri, Gagauziyanın patriotları hem Gagauziyanın Mariya MARUNEVİÇ adına bilim-aaraştırma Merkezin zaametçileri.
Bilim-praktika konferenţiyasında sa, dört ayırı temelara baaşlanan bölümnerindä, dokladlar okundu.
