Çeviz ayın (sentäbri) 2-dä Türkiye Respublikasının Kişinev Büükelçiliindä, COVİD-19-za karşı koymaa deyni, Moldova saalık ministerliinä Türkiyedän medițina tertipleri yardımı verildi: 30 bin medițina maskası, 1400 medițina fartukları hem 600 koruyucu halat.
Yardımı vermäk sırasında Türkiye Respublikasının Kişinev Büükelçisi Gürol SÖKMENSÜER urguladı, ani “Bakmadaan ona, ki koronavirus pandemiyası bütün dünnääya dokundu, Türkiye bu durumda savaştı hem savaşêr kendi dostuna hem partnöruna Moldova Respublikasına yardım etmää”.
Büükelçi Gürol SÖKMENSÜER söledi, ani bu kerä da, Moldovaya vizit yaparak, Türkiye Respublikasının dışişleri Bakanı Mevlüt ÇAVUŞOĞLU getirdi Moldova halkına Türkiye halkından medițina hem kompyuter tertipleri yardımı.
Sırada pay alan Moldovanın saalıı, işi hem cümneyi koruma ministerliin devlet sekretari Aleksandr HOLOSTENKO, şükür ederäk Türkiye Büükelçiliinä bu yardım için, açıkladı, ani bu yardım, COVİD-19-za karşı koyan personalı korumak için, respublikanın medițina kuruluşların arasında payedilecek.
