Büün belli oldu Kişineva protestlara gelän fermerlar kimin düdüünü çalêrlar. Maamilä surat devlettän para isteyemää deyni protestlara çıktılar, ama Kırım ayın (dekabri) 16-da onnar açıktan gösterdilär, ani kendiliri PAS hem taa da saacı partiyasının oyuncak silählarıymış.
Temennär onnar, traktorlarlan Parlamentın binasına gelip, traktorların tekerleklerinnän pindilär parlamentın eşiklerinä, isteyeräk büünkü Parlamentı hem Pravitelstvoyu erä yıkmaa da Moldova eni Parlament seçimnerinä hem eni Pravitelstvo kurmasına girsin.
Aklımıza geler gagauz halk masalı “Dädu hem babu masalı”. Fermerlar yaptılar ölä, nicä o masalda annadılêr: ilktän istedilär kevetlär onnara izin versinnär kapu ardına (ksabanın kenarına) geçsinnär, söra süpürgenin ardına (Kişinevuna meydanına) şindi da soba yanına geldilär da, ev saabisini kuarak, savaşêrlar soba üstünä pinmää.
Şaka şakaylan, ama onnarı durgutmaa deyni polițiya göz yaşlarını akıdan gazları kullandı.
Bakalım, fermercılar soba üstünä pineceklär mi, afedin, Parlamentı hem Pravitelstvoyu aktaraceklar mı.
