Bakuda çıktı gagauzların hem bütün türk dünnäsının dostunun, bilim adamının Dr. Ali ŞAMİLin “Yol tefterimdän” (“Yol daftarimdan”) kiyadı, neredä Canabisi annadêr kendi gezilerini Poyraz Kafkaza, Ukraynaya, Moldovaya hem Üülen Koreyaya.
Kiyadın Moldovaya gezisindä Dr. Ali ŞAMİL, Kişinevda kaarä, yazêr Gagazuiyaya gezisi için hem da gagauz bilim, kultura hem incäzanaat adamnarınnan buluşmalarını.
Dr. Ali ŞAMİL “Yol tefterimdän” kiyadında Gagauziyaya ilk gelişini “3-cü Haşlklararası gagauz kulturası simpoziumundan” açıklêêr hem ozaman 1998-cı yılın Kasımın 15-28 günnerindä burada bulunmasından baseder. Ozaman Canabisi pek derindän Gagauziyaylan tanışmıştı.
Avtorun Moldovaya ikinci gelişi oldu 2007-ci yılın Canavar ayın (oktäbri) 12-24 günnerindä, açan Canabisi KİBATEKın gagauzlar Simpoziumuna buyur edilmişti. Bu bölümdä dä, hep ölä, gagauz hem moldovan bilim adamnarınnan buluşarak hem tanışarak, Dr. Ali ŞAMİL ozaman Mihail ÇAKİRın, Dionis TANASOGLUnun mezarlarına hem Büük Azerbaycan yazıcının Nizami GÄNJEVİnin pamätniinä dä saygı gösterdi.
