Küçük ayın (fevral) 6-da meydana gelän Türkiyedä Kahramanmaraş merkezli er tepremelerindän sora aarma-kurtarma çalışmalarına katılan Bosniya-Gerțegli kurtarıcılrına ekipleri için Türk İşbirlii hem Koordinaţiya Agenstvosunun (TİKA) iftar (musulmannıkta oruç açmak imeesi) verdi.
TİKAnın ev saabiliindä Bosniya-Gerțegin baş başkenti Saraybosnada bir oteldä düzennenän iftara, (TİKA) Başkan Yardımcısı Dr. Mahmut ÇEVİKlän bilä bu devlettä Türk kuruluşların temsilcileri da katıldı.
Dr. Mahmut ÇEVİK burada yaptıı sözündä, tepremnerdä yaklaşık 15 milion insanın etkilendiini, yaklaşık 50 bin 500 kişinin da canını kaybettiini söledi.
Teprem bölgelerindä ömürün normalä dönmesi için hızlan çalışıltıını urgulayan Mahmut ÇEVİK, bu acının yaşandıı kıpımnarda yurt dışı hem içindän gelän yardımnarlan yaraların sarıldıını dilä getirdi.
TİKA Başkan Yardımcısı Dr. Mahmut ÇEVİK, Bosniya-Gerțeglilerin Türkiyedeki insannarın can erindä ayırı bir erä sayıp olduuna nışan ederäk, Bosniya-Gerțegli aarama-kurtarma ekiplerinä şükür etti. Onnara taa ileri verildii üürediciliin devam edeceeni aktardı hem Bosniya-Gerțegli ekiplerä sükür belgelerini verdi.
İftara katılan Saraybosna muftiyi Nedzad GRABUS, tepremdä cannarını kaybedennär için dua etti. İftar programasında, Türkiyedeki er tepremesi bölgesindeki görüntülerdän oluşan bir video da gösterildi.
Türkiyedä Küçük ayın (fevral) 6-da meydana gelän tepremnerdä aarama-kurtarma çalışmalarına Bosniya-Gerțegtän gelän 234 kişi katılmıştı, angıları yaklaşık 30 insanı saa kurtardılar.
Türk İşbirlii hem Koordinaţiya Agenstvosunun (TİKA) Başkan Yardımcısı Dr. Mahmut ÇEVİK, Bosniya-Gerțegtä bulunarak, Bosniya-Gerțeg İslam Birlii Başkanı Husein efendi KAVAZOVİC’län iş erindä buluştu, bildirer balkannews.com.tr saytı.
TİKA Başkan Yardımcısı Dr. Mahmut ÇEVİK, Bosniya-Gerțegtä “Potoçori Anma Merkezi”ni hem “Genoțid Kurbannarını Anma Müzeyi”ni bakıp, Serebrenițsa Genoțidında (soykırımı) eşlerini hem uşaklarını kaybedänn annalarlan buluştu, bidirer qha.com.tr saytı.
Buluşmadan sora Dr. Mahmut ÇEVİK twitterä yazdı: “Srebrenitsada eşlerini, uşaklarını hem başka yakınnarını soykırıma kurban verän annalarlan buluştuk. Srebrenitsa hem Jepa Annaları Dernää Başkanı Munira SUBAŞİÇ hem Boşnak annalar Srebrenitsa Soykrımının tanınması hem gerçeklerin bütüm dünneya duyurulması için 28 yıldır çalışıyor”.
