Küçük ayın (fevral) 12-dä Gagauziya kultura upravleniyası 2024-cü yılda çalışmasının sonuçlarını esaba alıp, Komrat Kultura Evindä düzennedi bir yortulu toplantı, neredä kultura ömüründä hem uurunda zaametçilerä ödüllär verildi.
Burayı toplanan insannarın önündä Gagauziya kultura Upravleniyasının başı Marina SEMÖNOVA, 2024-cü yılda önemni kultura olayları için annadarak, bir nasaat tuttu. Nedän sora, kultura ömüründä hem uurunda zaametçilerä, çeşitli nominațiyalarda ödül hem “Şükür belgisi” verildi:
“2024-cü yılda kultura proektların hem inițiativaların ilerlemesi uurunda çalışmaklar için” ödül hem “Şükür belgisi” verildi Kongaz Kultura Evinä – direktor Matröna HRİSTEVA.
“Muzeylerin arasında 2024-cü yılda en büük başarılar için” ödül hem “Şükür belgisi” verildi Ütülü küüyün İstoriya hem tarafı aaraştırma muzeyinä – önderci Sofiya PANÇEVA.
“Bibliotekacılıı ilerletmäk hem okumaya populärizațiya yapmak için” ödül hem “Şükür belgisi” verildi Valkaneş kasabasının A.S. Puşkin adına bibliotekasına – direktor İrina ÇERNEVA.
“Uşak muzıka şkolaların arasında 2024-cü yılda en büük başarılar için” ödül hem “Şükür belgisi” verildi Valkaneş kasabasının uşak muzıka şkolasına – önderci Mariya ÇERNEVA.
“Uşak resimcilik şkolaların arasında 2024-cü yılda en büük başarılar için” ödül hem “Şükür belgisi” verildi Valkaneş kasabasının uşak resimcilik şkolasına – önderci Lüdmila ONOFREY.
“Halk adetlerini korumak için” ödül hem “Şükür belgisi” verildi Kazayak “Sevda” ansamblisinä.
“Halk yaratmasını ilerletmäk hem faydalı işbirlii için” ödül hem “Şükür belgisi” verildi İlya hem Evdokiya KÖSÄlerä.
“Halk yaratmasını ilerletmäk hem gagauz literaturasına katkılar için” ödül hem “Şükür belgisi” verildi Galina SİRKELİyä.
“Halk yaratmasını incäzanaatını ilerletmäk için” ödül hem “Şükür belgisi” verildi Kongaz küüyün “Cızdırık” teatrusuna – önderci Pelageya İVANOVA.
“Ek üüredicilik uurunda faydalı işbirlii için” ödül hem “Şükür belgisi” verildi Çadır kasabasının Uşakların yaradacılık Evinä – önderci Elena DANACI.
“Başarılı çalışmaları hem Gagauziya kulturasına katkıları için” ödül hem “Şükür belgisi” verildi Konstantin DUŞKUya, Regional ses studiyasının direktoruna.
