Büün, 2025-ci yılın Küçük ayın 15-dä, Gagauziyada geçecek “Gagauziyanın hepsi uurlarda deputatların hem kuvet dalları temsilcilerin Kongresi”, angısının yapılması için Kararı Gagauziya Halk Topluşu (GHT) 22 oylan 2024-cü yılın Kırım ayın (dekabri) 6-da aldı.
Ön açıklamalara görä, “Gagauziyanın hepsi uurlarda deputatların hem kuvet dalları temsilcilerin Kongresi”ndä bir soruşun incelemesi ortaya koyulacek: “1994-ci yılın Kırım ayın (dekabri) 23-dä Moldova Parlamentı tarafından kabledelän №344-XIII sayılı “Gagauziya (Gagauz Yeri) özel hak statusu için” Zakonunnan tanınan Gagauziyanın etkilerinä Moldova Respublikasının kuvetleri tarafından mutlak hem bütün garantiyalı altında üstünä alınan cuvapcılaa uymaları hakkında”.
