Serbiyanın Nove-Sade kasabasında Canavar ayın 20-27 günneri arası geçän serbest güreştä Dünnä Çempionatında Moldova için güreşän Gagauziyanın Kıpçak küüyündän duumalı güreşçi Aleksandr GAYDARLI U-23 yaşınadan kategoriyasında bronza medaliyi kazandı.
70 kg kategoriyasında güreşän Aleksandr GAYDARLI çempionatta bu bronza medalisinä yolunda bölä oldu: ensedi Kuba (12:2) hem Kırgız (14:3) güreşçilerini, ½ finalda tarattı İran (2:8) güreşçisinä. Bundan sora da çempionatın üçüncü eri için Kazahsatndan güreşçiyi Mayıs ALİEVı 10:3 enseyip, Dünnä Çempionatın bronza medalisin kazandı.
United World Wrestling (UWW) açıklamalarına görä bu bronza medali oldu Aleksandr GAYDARLInın halklararası yarışmalarında üçüncü medalisi (bıldır Serbiyda olan U-20 serbest güreştä Evropa Çempionatında hem bu yıl Bulgariyanın Samokov kasabasında geçän U-20 serbest güreştä Dünnä Çempionatında gümüş medalilerini kazandı).
