Canavar ayın 31-dä Kıpçak küüyün 1-ci EÜK (uşak başçası) geçti yortu “Güz zamanın kucaanda”, angısı adandı güz vakıdına hem gagauz halkımızın büük Kasım yortusuna.
“Güz zamanın kucaanda” yortusunu hazırladılar: muzika öndercisi Evgeniya Nikolaena GAYDARJI hem gagauz dili üürediciykası Raisa Nikolaevna KURDOVA.
Yortu zamanı ușaklar havezlän pay aldılar türlü oyunnarda, büük meraklan çaldılar türkü, annattılar peet, gösterdilär teatru sțenkalarını, neredä açıkladılar tarafımızın meyvalarının faydalıını.
“Güz zamanın kucaanda” yortumuza katıldı bizim en küçük ușacıklarımız, angıları parlak kostümlarınnan moda gösteräbildilär.
Yortu geçti șen hem meraklı hepsinä deyni!
Kıpçak küüyün 1-ci EÜK administrațiyası
