Taa bıldır lääzımdı olsun Gagauziya Halk Topluşuna seçimnär, ama, türlü nestelär buna karşı bulup, merkez kuvetlär seçiminerin olmasını köstekleer.
Bu uurda bitki uydurma şey – GHT seçimneri Moldovanın diiştirilmiş Seçim kodeksına görä lääzım yapılsın hem onnarı Moldova Seçim Komisiyası yapsım lääzım.
Ama Kişinev susêr, ani Moldovanın diiştirilmiş Seçim kodeksını hazırlarkana, zakona görä, lääzımdı esaba alsınnar onu, ne deer bu uurda 1994-ci yılın Kırım ayın (dekabri) 23-dä Moldova Parlamentı tarafından kabledilän “Gagauziya (Gagauz Yeri) özel hak statusu için” Zakon, Moldova Konstituțiyasının 111-ci statyası (Gagauziya Avtonom-Teretorial Bölgesi) hem Gagauziyanın Temel Zakonu. Ama esaba almadılar.
Kantara atarak onu, ani bitki vakıtlar memleketin presasında peydalanêrlar türlü eriflär dä söleerlär, ani Moldovanın eni administrativ düzeninin kabledilmesinnän, büünkü biçimdä Gagauziyayı yok etmää lääzım, kobaklar erinä erleşer.
