2026-cı yılın Çiçek ayın 17-19 günnerindä Türkiyedä geçti “V. Antalya Diplomatiya Forumu”, angısına 140-dän zeedä memleketän 5 bindän çok katılımcı pay aldı. Onnarın arasında prezidentlar, premyer-ministrular, dışişleri ministruları, başka devlet adamnarı hem cümne insannarı vardılar.
Çiçek ayın 17-dä, “V. Antalya Diplomatiya Forumu” çerçevesindä olan protokol buluşmalarında, Türkiye Prezidentı Recep Tayyip ERDOĞAN Moldova Prezidentı Maya SANDUylan bir araya geldilär.
Nicä açıkladı Moldova Prezidentın presa serviçi, bu buluşmada, başka soruşların arasında, Gagauzyada gagauz dilin hem kulturasının korunması, hem da o bölgenin kalkınmasında ortak yardım konuları görüşülmüş.
