Hederlez ayın 26-da Komrat Kultura evindä oldu yortulu bir kutlama sırası, neredä “Galaolimpieț” hem Gagauziyanın “2026-cı yılın üürencisi” konkursu sıralarında ödüllendilär üürenci predmetlarında respublikadakı hem regional olimpiadalarında enseyennär, “2026-cı yılın üürencisi” konkursunu tarayannar hem onnarı hazırlayan üüredicilär.
Kutlama sırasında ilk öncä ödüllendilär respublikadakı olipmiadalarda enseyennär. Bu yıl Gagauziyadan o olimpiadların prizörları oldu 52 üürenci. Sora da ödüllendilär regional olimpiadaların 541 prizöru.
Hepsi olimpiadacılara hem onnarı hazırlayan üüredicilerä Diploma hem para ödülleri verildi.
Sora ödüllendi Gagauziyanın “2026-cı yılın üürencisi” konkursunda tarayannar. Onnar konkursta ay alan 24 üürencinin (5 – başlangıç, 9 – gimnaziya hem 10 – lițey basmaandan) arasından seçildi.
İki komisiyanın ayırı-ayırı çalışmasınnan Gagauziyanın “2026-cı yılın üürencisi” konkursunda brinci erlär verildi:
Lițey basmaanda – Ekaterina KİRÄKOVA, Komrat kasabasının D. Karaçoban adına teoretik lițeyi;
Gimnaziya basamaanda – Sergey kemençeci, Kıpçak küüyün S. Baranovskiy adına teoretik lițeyi;
Başlangıç basmaanda – David TOPÇU, “Orizont” özel üüredicilik kuruluşun teoretik lițeyin Çadır filialı.
Gagauziyada olimpiadaların hem “2026-cı yılın üürencisi” konkurusun prizörlarını ödüllemä sırasında pay aldılar hem üürencilärlän üüredicilerä danıştılar:
Gagauziya üüredicilik Upravleniyanın başı Natalya KRİSTEVA, Gagauziya İspolkomu Predsedatelin yardımcısı İlya UZUN, Gagauziya Başkanın işlerinä bakan bölümün başı İvan KOLİOGLU, Gagauziya Halk Topluşun geçici Başı Nikolay ORMANCI, Gagauziya Halk Topluşun bilim, üüredicilik, kultura, dil hem dinnär Daymalı komisiya başı Dimitriy MANASTIRLI, GHT deputatı Svetlana DÜVENCİ hem Komrat Devlet Universitetın rektoru Sergey ZAHARİYA.
