Harman ayın 24-dä Moldova Parlamentı 2-ci okumakta kabletti birkaç diiştirilmäk Moldovanın Seçim Kodeksına, angısınnarın arasında Gagauziyada Halk Topluşuna (GHT) seçimnerin eni kurallara görä yapılması.
Moldovanın Seçim Kodeksına koyulan bu diiştirmeklerä görä, Gagauziyada seçimnär artık Moldova Kurallarına, ama diil “Gagauziya (Gagauz Yeri) özel hak statusu için” Zakonununa görä yapılaceklar.
Bu uurda sadä bir pomana yapıldı: önümüzdeki Gagauziya Halk Topluşuna seçimnär bitki kerä olaceklar Majoritar sistemasına görä (herbir seçim bölümündän bir deputat seçilecek). Kalan seçimnär sä, herliim Gagauziya ayakta kalarsa hem o seçimnerä sıra gelärsä – onnar Proporțional sistemasına görä (politika partiyaların listelerinä görä) yapılacek.
Bakmadaan, ani Moldova Prezidentı Maya SANDU hem Moldova parlamentın spikerı İgor GROSU, göz boyamaa deyni, Gagauziyada Halk Topluşuna serbest hem dooru seçimnerin yapılmasınnan ilgili bundan ileri GHT deputatlarınnan, Gagauiyadan primarlarlan hem cümne insannarlan, “hamuru yuurmaa deyni”, birkaç buluşma düzennedilär, sonuna bildiklerini kendiycesinä yaptılar.
