Geçän aftadan beeri, Ukraynanın graniţasını geçmää deyni, yabancı vatandaşlar lääzım olacek “finansovoe obespeçeniye” göstersinnär (en aazdan 400 Euro) hem graniţada “sobesedovaniye” geçsinnär. Bunun için 2013-cü yılın Kırım ayın (dekabri) 4-dä Ukraynanın pravitelstvosu karar aldı.
Eni kurallara deyni, herliim yabancı vatandaş bir günün içindä Ukraynadan geçärsa, ozaman ona lääzım olacek graniţada 400 Euro göstermää. Herliim yabancı vatandaş bir günün zeedä Ukraynada kalarsa, ozaman onda 400 Eurodan taa zeedä para lääzım olsun.
“Sobesedovaniyeda” sizdän var nicä istesinnär annadasınız ne aarayaceenız hem ne yapacenız Ukraynada hem da gösteräsiniz parayı. Para var nicä hem açıktan gösterilsin hem kredit kartında.
Paranız yoksaydı, ozaman lääzım olacek Ukraynaya sizi çaaran insan notariustan “garantiya kiyadı” sizä yollasın hem o kiyatta yazsın, ani Ukraynadakı bütün harçlarınızı kendi üstünä alêr.
Moldovanın diş işleri Ministerlii açıkladı, ani bu kararı Ukrayna kendi başına kabletti hem Moldovaya bu iş için haber vermedi.
